وتار
سیروان کاوسی
سیروان کاووسی
سەربەست ئازاد
سەربەست ئازاد
سیروان کاووسی
سەربەست ئازاد
هۆمەر
سەربەست ئازاد
سەربەست ئازاد
ڕێبوار حەسەن
کاوە سوور
ڕێبوار حەسەن
وەرگێڕانی بۆ كوردی: رەزا مەنوچەهری
سیروان کاوسی
ڕێبوار حەسەن

facebook Yeksani on Facebook

پەیامی کۆمەڵەی یەکسانیی کوردستان بە بۆنەی نەورۆزی ٢٧٢٠ ی کوردی
کۆمەڵەی یەکسانیی کوردستان

auImg

 

خەڵکی خۆڕاگری کوردستان، نەورۆز و ساڵی نوێی کوردییتان پیرۆز بێت!

بەرز ڕاگرتنی یادی جەژنی نەوڕۆز و بە زیندوویی هێشتنەوەی ڕێوڕەسم و تایبتمەندییەکانی ئەو یادە نەریتێکی کۆنی کوردەوارییە و ئێستا وەک جەژنێکی نەتەوەیی و نیشتمانیی لە هەموو کوردستانی گەورە و لە ناو گەلێک کۆمەڵ و نەتەوەی تریش بەڕێوە دەچێت. ئێمەش لەو یادە نیشتمانییەدا پیرۆزبایی لە خەڵکی کوردستان بەگشتیی و لە هەموو ئەو کەس و لایەنانە دەکەین کە ڕێز لە نەورۆز و مافەکانی خەڵکی کوردستان دەگرن. لەجەژنی نەوڕۆزدا، وێڕای دانواندنی سەری ڕێز لە بەرامبەر هەموو گیانبەختکردووانی ڕێگای ڕزگاریی وئازادیی کوردستان، ڕێزی زۆر و سڵاوی گەرممان ئاڕاستەی بنەماڵەی سەربەرزی شەهیدان و زیندانییانی سیاسیی دەکەین. دەستی ماندووی تێکڕای ئەو خەباتکارانە دەکوشێن کە لە پێناو ڕزگاریی و ماف و ئازادیی چەوساوەکان تێ دەکۆشن.  

خەڵکی ئازادیخوازی کوردستان

نەورۆزی ساڵی ٢٧٢٠ی کوردیی لەکاتێکدا دەست پێ دەکات کە جیهان بە گشتیی و خەڵکی کوردستان بەتایبەتیی بۆ چەند مانگێکە کەوتوونەتە بەر مەترسیی پەتایەکی کوشندە بە ناوی کۆرۆنا (کوڤیک ١٩) . ئەم پەتایە کە تا ئێستا بەداخەوە لە زۆر وڵات بڵاو بۆتەوە، ژمارەیەکی زۆر لە خەڵکی کوشتووە و ژمارەیەکی زۆر زیاترییشی نەخۆش کردووە. وەک تا ئێستا دەر کەوتووە ئەم پەتایە  زۆر بە خێرایی دەگوازرێتەوە وخۆپاراستن لێی پێویستیی بە ڕەچاوکردنی پاکوخاوێنیی زۆر و هەموو ڕێکارەکانی تەندرووستییە.

بەم پێیە کە خەڵکی کوردستان لە لایەک بە هۆی ژێردەستەیی داگیرکەرانەوە بێجگە لە پێشێلکران و زەوتکرنی ماف و ئازادییەکانیان، بە دەست گەلێک  گرفتی وەک هەڵاواردن و بێکاریی و بێ ئیمکاناتییەوە دەچەوسێنەوە، لە لایەکی تر بەهۆی ئەوەی کە داگیرکەرانی کوردستان بە هیچ شێوەیەک گرینگیی بە لەناوبردن و پێش پێ گرتنی ئەم پەتایە لە کوردستان نادەن، بەڵکو پێشیان خۆشە خەڵکێکی زۆر لە کوردستان بەم پەتایە لەناو بچێت، پێویستە هەموو کۆمەڵانی خەڵکی کوردستان وەک ئەرکێکی نیشتمانیی، وێڕای خۆپارستن و بەڕێوەبردنی هەموو ڕێکار و ڕێنوێنییەکانی پزیشکیی و پاکوخاوێنی، بە هەموو شێوەیەک هاوکاریی یەکتر و بەتایبەت هاوکاریی خەڵکی بێ دەرەتان و هەژار بکەن تا لەم قەیرانە بە سەرکەوتوویی تێپەڕن و پارێزراو بن.

هیوامان پاڕێزراویی و سڵامەتیی هەموو ئازادیخوازانە بە گشتیی و هەموو کوردستانییانە بە تایبەتیی.

دووبارە جەژنی نەوڕۆز و ساڵی نوێی کوردیی لە هەمووتان پێرۆز بێت

کۆمەڵەی یەکسانیی کوردستان

١ خاکەلێوەی ٢٧٢٠ی کوردی

٢١/٣/٢٠٢٠ی زاینی  

 

 


Start
Comment
Name:  
‌Email:
Comment‌:  
 

تایبەتی پێشوو
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
All Rights reserved to Yeksani.info