وتار
سیروان کاوسی
سیروان کاووسی
سەربەست ئازاد
سەربەست ئازاد
سیروان کاووسی
سەربەست ئازاد
هۆمەر
سەربەست ئازاد
سەربەست ئازاد
ڕێبوار حەسەن
کاوە سوور
ڕێبوار حەسەن
وەرگێڕانی بۆ كوردی: رەزا مەنوچەهری
سیروان کاوسی
ڕێبوار حەسەن

facebook Yeksani on Facebook

هێرشەکانی دوو ڕێژیمی داگیرکەری ئێران و تورکیا بۆ سەر باشووری کوردستان شەرمەزار دەکەین
کۆمەڵەی یەکسانیی کوردستان

auImg

 

هێرشەکانی دوو ڕێژیمی داگیرکەری ئێران و تورکیا بۆ سەر باشووری کوردستان شەرمەزار دەکەین!

ڕێژیمی داگیرکەری تورکیا  لە ١٥/٦/٢٠٢٠ی زایینی بۆ جارێکی تر بە بیانووی بوونی گەریلاکانی پارتی کرێکارانی کوردستان دەیان شوێنیان لە باشووری کوردستان بۆمبباران کرد. لەم هێرشانەدا کە هەم بە فڕۆکەی شەڕکەر و هەم بە تۆپبباران بەڕێوە دەچن، وێڕای کوشتن و بریندار کردنی چەند کەسی سیڤیل زیانێکی زۆری ماددییشیان بە خەڵکی زەحمەتکێشی ناوچەکە گەیاندووە. هاوکات لە پێش چاوی هەموو دونیاوە هێزی هەوایی تورکیا هێزێکی کۆماندۆیی زۆر و پڕچەکیان لە کێوە بەرزەکانی سنووری باشوور و باکووری کوردستان دابەزاندووە. ئەو هێزە بە مەبەستی داگیرکاریی تا ٣٠ کیلۆمیتر هاتوونەتە ناو خاکی باشووری کوردستان کە لە شوێنە ستراتیژییەکان جێگیر کراون و دەیانهەوێت پێشڕەوەیی زیاتریش بکەن.  لە هەمانکاتدا لە ترسی پەلاماری هێزە داگیرکەرەکانی تورکیا وەرزێڕانی ناوچەکە لە کاتی پێگەیشتنی بەرهەمەکانیان ماڵەکانی خۆیان چۆڵ كرد و  ئاوارە بوون. هاوکات لەگەڵ ئەم هێرشانەدا، سوپای پاسدارانی ڕێژیمی ئێرانیش چەندیین شوێنی باشووری کوردستانی بە بیانووی بوونی پێشمەرگەی لایەنە سیاسییەکانی ڕۆژهەڵاتی کوردستان تۆپبباران کردووە و زیانێکی ماددی و سروشتیی زۆری بە ناوچەکە گەیاندووە.

لە ڕوانگەی ئێمەوە ئەو هێرشەی ڕیژیمی تیرۆریستیی تورکیا تەنیا بۆ سەر پارتی کرێکارانی کوردستان نییە، هەر وەک تۆپبارانەکان و خۆ سازدانی سوپای پاسدارنی ڕێژیمی داگیرکەری ئێرانیش تەنیا بۆ لیدانی لایەنێکی دیارییکراو نیین بەڵکو ئەوە پیلانێکی شۆڤێنیستی هاوبەشەی ئەم دوو ڕێژییمە داگیرکەرەیە لە دژی کۆی بەرژەوەندیی خەڵکی کوردستان بەڕێوە دەچێت.

 بێگومان سەرەڕۆییەکەی دەستەڵاتدارانی تورکیا بە بێ ئاگاداریی داگیرکەرانی دیکەی کوردستان نییە و ئەگەر ڕاستەوخۆش دەستیان لەو هێرشەدا نەبێت جێگای ڕەزامەندی هەموویانە. لە کاتێکدا هێزە سەرکوتگەرەکانی کۆماری ئیسلامی ئێرانیش بە درێژایی سنووری ڕۆژهەڵاتی کوردستان لە گەڵ باشوور و باکوری کوردستان جگە لە تۆپبارانی ناو بە ناو، بۆ پەلاماردان لە حاڵەتی ئامادەباشی دان، هەڵوێستی لاوازی دەستەڵاتدارانی هەرێمی باشووری کوردستان و دەوڵەتی عێڕاقیش جێگای گومانە کە بۆ وەستاندنی ئەو سنوور بەزاندنەی تورکیا بە ئەرکی سەرشانی خۆیان هەڵناستن. زلهێزەکانی دنیاش لە پێناو بەرژەوەندیی خۆیان چاو لە سنوور بەزاندن و هەموو کردەوە دیکتاتۆرییەکانی تورکیا دەنوقێنن. سەرەڕای هەموو ئەوانەش بێهەڵوێستیی ڕێکخراوی نەتەوە یەکگرتوەکانیش ئازاری خەڵکی کوردستان زیاتر دەکات.

 ئەوەی کە گرینگە پێویستە تاک و لایەنی کوردستانیی هەریەکەو لە ئاست خۆیەوە هەڵوێستی نیشتمانیان هەبێت و پشت بە ئیرادەی خۆیان ببەستن. پێویستە  هەموو لایەک خۆیان بە خاونی کێشەکە بزانن و بە پێی ئیمکان و بۆکران، پارێزگاریی لە خاک و ماف و شکۆی خەڵکی کوردستان بکەن و بە ڕاوێژ و هاوکاریی یەکتر، ڕێگەچارەی هاوبەش هەڵبژێرین و لە پێناو بەرژەوەندیی کاتیی، بەرژەوەندیی ستراتیژیی و نیشتمانیی کوردستان نەکەنە قوربانیی.

ئێمە لە کۆمەڵەی یەکسانیی کوردستان هێرشەکانی دوو ڕێژیمی تورکیا و کۆماری ئیسلامی بۆ سەر باشووری کوردستان شەرمەزار دەکەین و داوا لە تاک و لایەنی کوردستانیی دەکەین بۆ وەستاندنی هێرشی داگیرکەران و بەرپەرچدانەوەی پلانە دووژمنکارییەکانییان یەکهەڵوێست بین. با هەموومان لە پێناو پاراستنی دەستکەوتەکانی ئێستای خەڵکی کوردستان و بەرژەوەندیی نیشتمانی هەست بە بەرپرسیارەتی بکەین و ڕێکاری گونجاو بگریینە پێش و دوور لە بەرژەوەندیی کەسی و حیزبی و ناوچەیی لە سەر ئاستی ناوخۆ و دەرەوە لە مەیدانی کردەوەدا چالاکیی هاوبەشمان هەبێت.

کۆمەڵەی یەکسانیی کوردستان

٥ی پوشپەڕی ٢٧٢٠ کوردی

٢٥/٦/٢٠٢٠ی زاینی


Start
Comment
Name:  
‌Email:
Comment‌:  
 

تایبەتی پێشوو
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
کۆمەڵەی یەکسانیی کوردستان
All Rights reserved to Yeksani.info