بنەماڵەی تێکۆشەری شەهید قەندیل!

خەڵکی ئازادیخواز و خۆڕاگری کوردستان!

لەسییەمین ساڵوەگەری شەهیدکرانی هاوڕێ عەوڵڵاى مەلاعوسمانى، ناسراو بە ماموەستا قەندیل، ئەندامی کۆمیتەی ناوەندی کۆمەڵەی یەکسانی کوردستان، سەری رێز و نەوازش لە بەرامبەر ئەم شەهیدە و هەمو شەهیدانی رێگای ڕزگاری و سەربەخۆیی کوردستان دادەنوێنین، و ڕێزی خەبات وماندوبونی چەندین ساڵەیان دەگرین.

مامۆستا قەندیلی نەمر، وێڕای ئەوەیکە سەرکردەیەکی فیداکار بوو، پێشمەرگەی کرێکاران وزەحمەتکێشان، ئاڵا هەڵگری پێشکەوتن ودادپەروەری کۆمەڵایەتی و پارێزەری ئازادی و دێموکراسی و هاوکات درێژە پێدەری ڕێگای کۆماری کوردستان و خەباتکارێکی ڕزگاری و سەربەخۆیی کوردستان بو. مامۆستا قەندیل ساڵانێکی زۆر بە دڵسۆزییەوە خزمەتی بزوتنەوەی ڕزگاریخوازانەی کوردستانی کرد، و هەر لە دەورەی کۆماری کوردستان، و بووژاندنەوەی حیزبی دێموکراتی کوردستانەوە، هەتا شۆڕشی گەلانی ئێران، وەک پێشمەرگەیەکی ماندوویینەناس، و فەرماندەیەکی بەتوانا و خاوەن ئیرادەیەکی پۆڵایین ناسرابو.

مامۆستا قەندیلی نەمر دوای تێکچونی کۆماری کوردستان، لەدژی رژیمی پاشایەتی ئێران، تێکۆشانێکیی بێوچانی سیاسیی کردوە و پاشان لەگەڵ کۆمەڵێک تێکۆشەری ئەو سەردەمە، پەڕیوەی باشوری کوردستان بوە. لە باشوری کوردستان لە چەندین دەڤەری وەک پشدەر ، حاجیەمەران، کێوەڕەش، و بناری قەندیل، وێڕای هاوسەنگەرانی درێژەی بە خەبات داوە، و بە هۆی لێهاتویی و خۆڕاگریی لەهەمبەر هێرش و پیلانی داگیرکەرانی کوردستان لەو سەردەمانەدا، خۆشەویست وجێگای متمانەی هاوڕێیان و کۆمەڵانی خەڵکی کوردستان بوە.

زۆر بەداخەوە شەهید قەندیل، لەکاتی هێرشی هێزەکانی داگیرکەری کۆماری ئیسلامی ئیران لە هاوینی ١٣٦١ لە بادیناوێی شاری پیرانشار، لەکاتێکدا پۆلێک پێشمەرگەی حیزبی دێموکرات دەورەیان دەگیرێت و تەقەیان لەسەر دەبێت، بەهانایانەوە دەچێت و و پاش ئەوەی لەو شەڕەدا بریندار دەبێ، پاش چەند کاتژمێرێک شەهید دەبێ و گیانی پاکی فیدای ڕێبازێک دەکات کە هەموو ژیانی خەباتی بۆ کردبوو.

شایانی باسە کە کۆمەڵەی یەکسانی کوردستان لەساڵی ١٩٩٤ ی زایینی، وەک وەفاداری ورێزگرتن لەو سەرکردە گیان بەختکردوەی خۆی، هەر ئەو شوێنەی کە کاتی خۆی ماموەستا قەندیل لە دێی ورتەی بناری قەندیل ماڵی لێ دانابوو، کردی بە بنکەی پەروەردەیی و ناویشی لێنا "بنکەی پەروەردەی شەهید قەندیل".

بەرزو بەڕێز بێت سییەمین ساڵیادی شەهیدکرانی هاوڕێی تێکۆشەر، مامۆستا قەندیل!

بەردەوام بێت ڕێبازی ڕزگاریخوازانە و یەکسانیخوازانەی مامۆستا قەندیل و سەرجەم شەهیدانی گەلەکەمان!

کۆمەڵەی یەکسانی کوردستان

٣ی خەرمانانی ١٣٩١ی هەتاوی

٢٤ی ئۆگۆستی ٢٠١٢ی زایینی