بەداخەوە دوێنێ ١٧ی خەزەڵوەری ١٤٠٤ی هەتاویی مامۆستا بابەک ئەحمەدی یەکێک لە پەروەردەکارانی خۆشەویست و خاوەن ئەزموونی شاری سنە و تاکە ناناوەری خانەوادەیەکی پێنج کەسیی، بەهۆی نەداریی و نەبوونی توانای کڕینی دەرمانەوە کۆتایی بە ژیانی خۆی هێنا و هاوسەر و دوو جگەرگۆشە وردیلەکەیی و دایکە بەساڵاچووەکەی بۆ هەمیشە نوقمی ئازاری خەمێکی بێبڕانەوە کرد.

لە درێژەی گوشارەکانی ئەم دواییەی کۆماری ئیسلامیی بۆ سەر مامۆستایان و خوێندنگەکانی ڕۆژهەڵاتی کوردستان، ئەمڕۆ ١٧ی خەزەڵوەری ١٤٠٤ هەتاویی / ٨ی ئاگۆستی ٢٠٢٥ بەڕێز ئیدریس مینبەریی مامۆستای خۆبەخشی زمانی کوردی ئەندامی دەستەی بەڕێوەبەرایەتیی ڕێکخراوی (نۆژین) کە لە ساڵانی ڕابردوودا چەند جار لەلایەن کۆماری ئیسلامیی داگیرکەرەوە زیندانیی کراوە، بۆ جارێکی تر دەسگیر و ڕەوانەی گرتووخانەی سنە کرایەوە.

ئەمڕۆ ساڵیادی کۆچی هاوڕێی نەمرمان، مامۆستا مەلا ڕەحمانی سیفەتاڵیی ناسراو بە ئاوارەی کوردستانە. مامۆستا یەکێک لە دامەزرێنەران و ئەندامانی بەوەجی سەرکردایەتیی کۆمەڵەی یەکسانیی کوردستان بوو. مامۆستا ئاوارە، هۆزانوانێکی دیاری کوردستان و یەکێک لە نزیکترین هاوڕێیانی مامۆستا قانعی سۆسیالیست و مامۆستا سەید ڕەشیدی حوسەینی بوو.

ئەمڕۆ هەینی ٣ی گەلاوێژی ١٤٠٤ی هەتاویی / ٢٥ی جولای ٢٠٢٥ تەرمی کاک حەمید مورادی، چالاکی ناسراوی ژینگەپارێزیی و شاری سنە، دامەزرێنەری ڕێکخراوی ژینگەپارێزیی شنەی نەوژین، پارێزەر و خۆشەویستی شاری سنەی قارەمان کە لە ئاگرکوژاندنەوەکەی ئەمڕۆی ئاویەری سنەدا بە قورسیی لەشی سووتابوو، لە ناو ئاپۆرەی هەزارانکەسیی دانیشتووانی شاری سنەدا لە کۆڕستانی بەهەشتی مەحەممەدیی بە خاک سپێردرا.

بەداخەوە ئاگرکەوتنەوەی چیاکانی کوردستان بۆتە ڕووتینی هەموو ڕۆژەی هەواڵەکانی ناوخۆ. بەڵام لەوە دڵتەزێنتر و ناخهەژێنتر هەواڵی گیانلەدەستدانی ژینگەپارێزانی کوردستانە، کە لەپێناو پاراستنی ئاو و خاک و سروشتی کوردستان سەربەرزانە گیانی خۆیان بەخت دەکەن.

ئەمڕۆ ١٦ی پووشپەڕی ١٤٠٤ی هەتاویی ( ٧ی جوڵای ٢٠٢٥) لقی یەکی دادگای شۆڕشی ورمێ حوکمی لەسێدارەدانی پێنج زیندانی سیاسی کوردی بە پارێزەرەکانیان ڕاگەیاند. ئەو زیندانیە سیاسیانە کە هەر چرکەساتێک مەترسیی جێبەجێکردنی حوکمەکانیان هەیە بریتین لە ڕزگار بابامیریی، پژمان سوڵتانیی، سۆران قاسمیی، کاوە ساڵحیی و تەیفوور بابامیریی.

کۆماری ئیسلامیی بەدوای شکستی سەرشۆرانەی لە شەڕی ١٢ ڕۆژەی ئیسرائیل ــ ئێراندا و بۆ پەردەپۆشکردنی ڕیسواییە ئاسایشیی و سەربازیی و سیاسیەکانی خۆی و بە بیانووی بوونی کەسانی سەر بە دەزگای هەواڵگریی ئیسرائیل لەنێو ئەفغانستانییەکانی دانیشتووی ئێراندا، لە ماوەی دوو هەفتەی ڕابردوودا سەدان هەزار پەنابەری بێپەنای ئەفغانستانیی، کەسانێک کە گیانیان لە ئەفغانستان لەژێر هەڕەشەدایە لەوپەڕی توندوتیژییدا ڕەوانەی دۆزەخی حکوومەتی تاڵەبان کردۆتەوە.

لایەنە سیاسیە چەپەکانی ڕۆژهەڵاتی کوردستان، هاوڕێیانی هێژا ئەگەرچی بەهێزبوون و ڕێکخراوبوون و یەکێتیی ڕیزەکانی ڕەوتی چەپی کوردستان لە شۆڕشی کوردستان و ژینادا وێردی سەر زاری هەموو ئێمە لایەنە سیاسیە چەپەکانی کوردستانە، بەڵام بەداخەوە لەکردەوەدا ئەم ڕەوتە تا بڵێی پرژوبڵاو و نایەکگرتووە. ئەزموونی بزووتنەوەی ڕزگاریی نیشتیمانیی کوردستان ئەوەمان پێ دەڵێت، کە ڕابەرایەتییکردن و بەسەرکەوتنگەیاندنی شۆڕشی کوردستان پرس و ئەرکی کرێکاران و هەژاران و ژنان و زۆرینەی خەڵکی کوردستان و ڕەوتە چەپەکەیەتی.

شەوی پێنجشەممە لەسەر هەینی لە هێرشێکی بەربڵاوی ئاسمانیی ئیسرائیل بۆ سەر کۆماری ئیسلامیی دەیان ناوەندی سەربازیی ئێران بە خەستیی بۆردومان کران و تا ئێستا ژمارەیەک لە بەرپرسانی هەرە باڵای ڕژیم کوژراون و زیانێکی گەورە بە ناوەندەکانی وزەی ناوەکیی ئێران و پێگە سەربازییە سەرەکییەکانی ئەو وڵاتە لە ناوچە جیاجیاکانی ئێران گەیشتووە.

کارگران، زحمتکشان، زنان پیشگام جنبش زن، زندگی، آزادی! اول ماه مه، روز جهانی کارگر، روز همبستگی جهانی طبقەای است جهانی. طبقەای کە ماهیتا در مبارزە علیە کلیت نظام ظالمانە سرمایداری باید پیشگام تمامی دیگر جنبشهای ستمدیگان جامعە بشری باشد اعم از جنبش علیە ستم طبقاتی، ستم جنسیتی، ستم ملی و .... رسانەهای کاپیتالیستی می خواهند وانمود کنند کە اول ماهە مە روز جشن کارگران است، اما این روز، روز مبارزە با سیستم ظالمانه‌ای است که میلیون‌ها انسان را در چرخه فقر، بی‌حقوقی و استثمار نگه داشته است.

ئەمڕۆ لە کاتێکدا بەپیر ٨ی مارس، ڕۆژی جیهانیی ژنەوە دەچین، کە تەنانەت لە پێشکەوتووترین وڵاتانی سەرمایەدارییش، کە لافی دێموکراسی و دادپەروەریی لێ دەدەن کە لە هەموو بوارەکانی ژیان دۆخی ژنان زۆر لە پیاوان خراپترە. فینلاند یەکێکە لەو وڵاتانەی کە لە بواری یەکسانیی ژن و پیاودا بە بەراورد بە وڵاتانی تر مێژووێکی پڕشنگاری هەیە، کەچی بەپێی ناوەندی ئاماری ئەو وڵاتە، لە ساڵی ٢٠٢٤دا لە فینلەند، مامناوەندیی داهاتی ژنان بە ڕێژەی لەسەدا ١٦ کەمتر بووە لە هی پیاوان و لە ئاستی جیهانییشدا لە سەدا ٢٢.

پاش دوو دیداری نوێنەرانی پارتی ئازادی و یەکسانی لەگەڵ بەڕێز عەبدوڵڵا ئۆجەلان لە زیندانی ئیمراڵیی و سەردانی ئەو نوێنەرانە لە باشووری کوردستان و بینینی بەرپرسانی باڵای حکوومەتی هەرێم و لایەنە ئیسلامییەکانی باشووری کوردستان، کورتە پەیامێک کە بە دەستوخەتی بەڕێز ئۆجەلان نووسرابوو لە ڕێکەوتی ٩ی ڕەشەمەدا لەلایەن نوێنەرانی دەم پارتیەوە لەبەردەم مێدیاکانی تورکیەدا و لە ڕووی جەماوەرێکی بەرین لە خەڵکی ئامەدی باکووری کوردستان کوردی و تورکی خوێندرایەوە.

هاوڕێ ڕەسوو بەهاری ساڵی ١٣٤٠ی هەتاوی لە گوندی بێشاسپ لە ناوچەی سەردەشت لە بنەماڵەیەکی هەژار چاوی بەدنیا هەڵێنا.

٧٩ ساڵ لەمەوبەر کۆماری کوردستان بەبێ ئامادەکاریی پێویست و لە نەکاو و لە سەردەمێکی زۆر دژواردا ڕاگەیاندرا. لە سەردەمێکدا کە کۆمەڵگەی کوردستان هێشتا لە قۆناغی دەرەبەگایەتییدا بوو و ئاستی خوێندەواریی خەڵک و ژێرخانی ئابوورییش لەوپەڕی خراپیی خۆیدا.

مێژووی ئەم خاکە هەر لە دێرزەمانەوە دەگەڵ خۆڕاگری و خەبات بۆ ئازادی و یەکسانی تێکەڵ بووە. لە سەروبەندی ٢ی ڕێبەندان، ساڵڕۆژی شکۆمەندی ڕاگەیاندنی کۆماری کوردستان لە مەهاباد، جارێکی¬تر دەبینین کە بڵێسەی ئاگری بەرخۆدان هێشتا لە دڵی هەموو کوردێکی ئازادیخوازدا تین دەدا.

پاش تێپەڕبوونی ساڵێک بەسەر دەسپێکردنی شەڕی نوێی نێوان ئیسرائیل و حەماس و حیزبوڵڵای لوبنان کە بە هێرشی ٧ی ئۆکتۆبری حەماس بۆ سەر ئیسرائیل دەستی پێ کرد و بووە هۆی گیانلەدەستدانی دەیان هەزار کەس لە خەڵکی فەلەستین و ئیسرائیل و وێرانبوونی غەزە، ئەمڕۆکە حەماس و حیزبوڵڵا نیوەگیان بوونە و ڕژیمی ئەسەد لە زبڵدانی مێژوودایە و کۆماری ئیسلامییش شکستێکی ئابڕووبەرانەی بەسەردا سەپاوە.

کۆمەڵەی یەکسانیی کوردستان دەرکردنی حوکمی دڕندانەی سێدارە بۆ چالاکوانی مەدەنی و سیاسیی کورد، پەخشان عەزیزی بە توندی شەرمەزار دەکات.

ئەمڕۆ کوردستانیانی دانیشتووی لەندەن لە دژی کۆماری سێدارەی ئیسلامیی و بۆ هەڵوەشاندنەوەی حوکمی لەسێدارەدانی پەخشان عەزیزی زیندانی سیاسیی کورد، خۆپیشاندانێکی گەورەیان لە بەردەم باڵوێزخانەی کۆماری سێدارە بەڕێوە برد.

زۆر بەداخەوە، دوێنێ ڕێکەوتی ١٤ی بەفرانباری ١٤٠٣ی هەتاویی ( ٣ی جانوەری ٢٠٢٥ ) هونەرمەندی لاوی توانا، دەنگی زەنگی شۆڕشی ژن، ژیان، ئازادی کاکە سارۆ سوزەنیی لە تەمەنی ٢٢ ساڵیدا و لە ڕووداوێکی هاتوچۆی نێوان سەقز و دیواندەرەدا گیانی لەدەست دا.

پاش هەڵگیرسانەوەی شەڕی نێوان ئیسرائیل و حەماس و حیزبوڵڵا کە لە ڕاستییدا شەڕی نێوان ئیسرائیل و کۆماری ئیسلامییە، پێگەی کۆماری ئیسلامیی و دەستوپێوەندەکانی لە ناوچەکە بە ڕژیمی ئەسەدیشەوە هەر هاتووە و لاوازتر بووە و ڕۆژ بە ڕۆژ پارسەنگی هێز لەو شەڕەدا بە زیانی ئێران و لە بەرژەوەندیی ئیسرائیل و هاوپەیمانەکانی گۆڕاوە.