٤٣ ساڵ لەمەوپێش، کاتێک ڕژیمی ئیسلامی هێرشی خوێناوی کردبووە سەر کوردستان و شاری سنەی سووری تەوارەکان ٢٤ ڕۆژ لە بەرانبەر هێرشی زەوینیی و هەوایی ڕژیمی داگیرکەری ئیسلامییدا قارەمانێتیی دەنواند، هاوڕێ تەوار، کادری نموونەی کۆمەڵەی یەکسانیی کوردستان، کە لە سەقزەوە بۆ خوێندن چووبووە شاری سنە، لە بەرەکانی جەنگدا هاوشانی خەڵک و هێزی پێشمەرگە قارەمانانە بەشداری ئەم شەڕە نابەرابەرە بوو.

نەمر فەرزاد کەمانگەر مامۆستای قوتابخانە، چالاکڤانی مافەکانی مرۆڤ، هۆزانڤان و ڕۆژنامەوانێکی یەکسانییخواز و هومانیست بوو کە هەم بە کردەوە و هەم بە نووسیین لە هیچ هەوڵێک بۆ هاتنەئارای جیهانێکی باشتر و مرۆڤانەتر، بەتایبەت بۆ مناڵان و هەژارانی کوردستان درێخی نەکرد. ئەو پێی وابوو کە دەسەڵات و سیاسەت و زانست کاتێک بەنرخن کە لە قورسایی ژیانی مرۆڤەکان کەم کەنەوە نەوەک ببن بە بارێک بە ملیانەوە و بیان چەوسێننەوە

کۆمەڵەی یەکسانیی کوردستان وێڕای شەرمەزارکردنی ئەم جینایەتەی کۆماری ئیسلامی، خۆی بە هاوخەمی بنەماڵە و کەسوکاری نەمر حەبیب ئەسیود و هەموو ئازادیخوازانی عەرەبی ئەهواز دەزانێ و داواش لە ئازادیخوازان و هەموو لایەنگرانی مافی مرۆڤ دەکات تا لە ئاست جینایەتەکانی کۆماری ئیسلامی بەتایبەت لەئاست لەسێدارەدانی ئازادییخوازان بێدەنگ نەبن.

ڕۆژهەڵاتی کوردستانی شۆڕشگێڕ ئەمڕۆکە سەرەڕای برینە مێژووییەکەی خۆی، بووەتە مەرهەمی ساڕێژکەری برینی نایەکسانیی بۆ خۆی و دەوروبەریشی و زیاتر لە ٧ مانگە سەربەرزانە ئاڵای سووری ڕێنسانسی یەکسانیی و ئاڵای ئازادی گەلانی بندەست و ئاڵای دابینکردنی مافی چارەنووس بۆ گەلان و بەیداخی لەگۆڕنانی کۆماری ئاپارتایدی ڕەگەزیی بەرز و شەکاوە ڕاگرتووە

لەم مەنشوورەدا ڕێکخراوە جەماوەریی و پیشەییەکان پەنجەیان خستۆتە سەر زۆرێک لە برینەکانی کۆمەڵگەی ئێران و ئێمە هیوادارین لە کۆبوونەوەی ئەمڕۆی کۆڵندا هەوڵ بدرێت لە درێژەی مەنشووری ڕێکخراوە جەماوەریی و پیشەییەکاندا مەنشوورێکی چەپ و یەکسانییخوازانەی ڕوونتر و وردتر و هەمەلایەنەتر ئامادە و پەسەند بکرێت. بۆ ئەم مەبەستە داواکارین ئەم داخوازییانەی خوارەوە لە کۆبوونەوەی کۆڵندا بدرێنە بەر باس و لە مەنشوورەکەدا بگونجێندرێن:

بۆ پشتگیریی لە خەڵکی شاری سەقزی پێشەنگ و بۆ بەرپەرچدانەوەی هێرشە شیمیاییەکانی ڕژیمی عەلی شیمیایی و بۆ درێژەدان بە شۆڕشی ژینای کوردستان، پێویستە لە ئاستی هەموو ڕۆژهەڵاتی کوردستاندا و دەست لە ناو دەستی خەڵکی ڕاپەڕیوی ئێران بە گژ ڕژیمی ئاپارتایدی ڕەگەزییدا بچینەوە.

ئێمە لە کاتێکدا یادی گیانبەختکردنی یەکەم سەرکۆماری کوردستان و هاوڕێکانی دەکەینەوە، کە لە ڕۆژهەڵاتی کوردستاندا شۆڕشی ژینا بە دروشمی ژن ــ ژیان ــ ئازادی، کە ڕەگێکی قووڵی لە شۆڕشی کوردستاندایە لە ئارادایە و ئەم شۆڕشە، کە ئازادی ژن و ئازادی نەتەوە بندەستەکان و یەکسانیی هەمەلایەنە ئامانجیەتی لە ئێران و لە ناو گەلانی بندەستی ئێراندا لەگەڵ پێشوازییەکی بەرین ڕووبەڕوو بووە و بنچینەکانی کۆماری سێدارەی خستۆتە لەرزە.

با هەموومان لە کوردستان و دەرەوەی وڵات یەکدەنگ و یەکگرتوو و لە ئاستێکی هەرە بەریندا و مەشخەڵ بەدەست بە پیر نەورۆزی شۆڕشەوە بچین! با نەورۆزی ژینامان بکەینە نەورۆزی نەورۆزان، نەورۆزی سەرکەوتن، نەورۆزی لە گۆڕنانی کۆماری سێدارە و نەورۆزی چەسپاندنی دیاریکردنی مافی چارەنووس و ئازادی و یەکسانیی! 

بۆ کۆتاییهێنان بە برینە زنجیرەییەکان، بۆ کۆتاییهێنان بە برینە بێکۆتاییەکان و بۆ کۆتاییهێنان بە چەوسانەوەی نەتەوایەتیی، گەورەترین هێز، هێزی خەڵکی کوردستان خۆیەتی. بێگومان ئەو هێزە کاتێک ئەو سەنگەی دەبێت، کە  خەڵکی کوردستان وشیارانە و یەکگرتووانە و ڕێکخراو بەرگری لە سەروەریی و سەربەرزیی خۆیان بکەن. 

ئەو پارت و ڕێکخراوە سیاسییانەی ئەم بەیاننامە هاوبەشە دەردەکەین، ئەم مەنشوورە و هەر مەنشوور و بەڵگە و ڕێککەوتنێکی سیاسیی دیکە کە لە پێناسەکردنی کورد بە نەتەوە و لە داننان بە مافی دیارییکردنی چارەنووسی سیاسیی ئەو نەتەوەیە خۆ ببوێرێ، لێبڕاوانە ڕەت دەکەینەوە. هاوکات داوا لە کۆمەڵگەی نێودەوڵەتیی بە حکومەتەکان و دامەزراوە و ئەنجوومەنەکانیانەوە دەکەین،

دیاریکردنی مافی چارەنووس، مافی بێ ئەملاولای خەڵکی کوردستان و هەموو ئەو گەلانەیە، کە لەژێر دەسەڵاتی فاشیزمی ئێرانیدا مێژوویێکە ستەمی نەتەوایەتییان لێ دەکرێت و مافی نەتەوایەتییان پێشێل دەکرێت. مافی دیاریکردنی چارەنووس تەنها ئەوە نیە جارێک لە ڕیفڕاندۆمێکدا دەنگت لێ وەرگرن، کە سەربەخۆییت دەوێت یان مانەوە لە ئێرانی بندەستییەکاندا، بەڵکو ئەم مافە مافێکی هەمیشەییە و پرسی کوردستان دەبێ لە ڕێگەی ڕیفراندۆمێکی ئازادەوە، کە لە کوردستان بەڕێوە بچێت یەکلا بکرێتەوە.

 ئەمڕۆکە لە کاتێکدا بەپیر ڕۆژی جیهانیی ژنەوە دەچین، کە شۆڕشی ژینای هێمای ئازادیی و یەکسانیی، جێی هیوا و هومێدی ملیۆنان ملیۆن مرۆڤە لە ئاستی کوردستان و ئێران و ڕۆژهەڵاتی ناوەڕاست و بگرە لە ئاستی جیهانییشدا. ئامانجی ئەم ڕێنسانسە زۆر بەرین و گشتگیرە و ڕووخاندنی کۆماری ئیسلامیی وەک ڕژیمێکی ئاپارتایدی ڕەگەزیی، هەنگاوی یەکەمیەتی.  

ئێمە پێمان وایە چ بەڕێزتان وچ کاک خالیدی عەزیزی و تەنانەت کاک مستەفای هیجریش، بێجگەلە ئەو وتووێژەی دوایی لەگەڵ بی بی سی، وەک پێویست لە بەرابەر سەڵتەنەتخوازەکان و حاشاکردنیان لە مافە نەتەوایەتییەکانی کورد نەهاتوونەتە دەنگ. زۆریینەی ڕەهای ڕەخنەگران بە ئێمەشەوە پێمان وایە کە ڕەزا پەهلەوی و لایەنگرەکانی دوو ئامانجیان هەیە لەم قۆناخەدا،

زمانی زگماکی کۆڵەکەی سەرەکیی زیندوومانی هەر گەلێکە. ئێمەی کورد کە بەهۆی سیاسەتی هەڵاواردنی سیستەماتیکی دەوڵەتیی و پرۆسەی درێژماوەی تواندنەوەی فەرهەنگیی و زمانیی وڵاتانی داگیرکەرەوە لە زۆر بوواری زانستیی و گەشەی زمانەوە لەچاو وڵاتانی پێشکەوتووی دنیا جێماوین، بۆ زیندووڕاگرتنی زمانەکەمان زیاتر لە هەر کاتێک پێویستییمان بە خوێندن بە زمانی کوردی هەیە. 

بە پێویست و ئەرکی سەر شانی خۆمان و هەموو گەلەکەمانی دەزانیین تا لە هەموو بەشەکانی کوردستان بە هەر شێوازێک لە دەستمان دێت و هەر چۆنێک بۆمان دەکریت بە هانای لێقەوماوانەوە بچین و لە هاوکاریی هاونیشتمانییانی باکوور و ڕۆژئاوای کوردستان درێخیی نەکەین!  هەر بەم بۆنە خەمناکەوە سەرەخۆشیی لە هەموو گەلەکەمان و بەتایبەت لە باکوور و ڕۆژئاوای کوردستان دەکەین، خۆمان بە هاوبەشی خەمیان دەزانیین و هیوای زوو چاکبوونەوە بۆ بریندارەکان دەخوازیین. 

کۆمەڵەی یەکسانیی کوردستان داوا لە هەموو لایەنە سیاسیەکانی ڕۆژهەڵات دەکات بۆ دانیشتنێکی هەرچی زووتر و بەریین بە مەبەستی تاوتوێکردنی دۆخی ئێستا و خۆئامادەکردن بۆ سبەینێ و گفتوگۆ لەسەر ئەو مژارانەی کە لە سەرەوە باسمان کردن.

وەرن با لەم ساتە مێژووییەدا و لە ساڵوەگەڕی دامەزراندنی کۆماری کوردستاندا بە جێبەجێکردنی وەسیەتنامەی سەرۆککۆماری نەمرمان پێشەوا قازی کە لە دواساتەکانی ژیانیدا داوای یەکگرتوویی لێ کردین تا لەدەست ڕێژیمی داگیرکەری ئێران ڕزگارییمان بێت، ئاوات و ئامانجەکانی پێشەوا و گەلە چەوساوەکەشمان بێنیینە دی!

 جێی ئاماژەیە کە خەباتی ژیرانەی یەکسانییخوازان بە دروشمی ژن، ژیان، ئازادیی لەم بەشەی کوردستان کاریگەریی هەبووە لەسەر هەموو ئێران و هەموو نەتەوە چەوساوەکان لەم وڵاتە و هەست و سۆزێکی پشتگیرانەی بۆ ڕۆژهەڵاتی کوردستانیش دروست کردووە و خەباتی ئەم بەشەی کوردستان هەنگاوێک بەرەوپش بردووە. لێرەوە وێڕای دەستخۆشیی و ماندوونەبوونیی لە هەموو خەڵکی شۆڕشگێڕ و خەباتکاری ڕۆژهەڵات، ئاواتەخوازین بە یەکگرتوویی لایانە سیاسییەکانی ئەم بەشەی وڵات،

لە وەها بارودۆخێکدا پێویستە چالاکوانانی کورد لە دەرەوەی وڵات، ئەگەر بکرێت بە هاوئاهەنگی لەگەڵ چالاکوانانی نەتەوەکانی تری ئێران  لە تاراوگە، لە هەڵمەتێکی بەرییندا لەبەر دەرکی پارلمانی وڵاتەکان و شوێنە گرینگەکانی ئەم وڵاتانە ناڕەزایەتیی دەر ببڕن و بە نووسیینی داوانامە لەم وڵاتانە و شییکاریی و زانیاریی لەسەر دۆخی زیندانییان و جینایەتەکانی کۆماری ئیسلامی، داوا لەم وڵاتانە بکەن بۆ پێشگرتن لە ئیعدامکردنی زیندانییکراوەکان ڕێکاری کاریگەر و بەپەلە بگرنە پێش

پێویستە خەڵکی مافخوا بە یەکگرتوویی خۆیان ڕێگە نەدەن هیچ لایەنێکی نادێموکراتیک دەست بەسەر دەستکەوتی خەباتی خوێناویی و بەرهەمی ڕەنج و ماندووبوونی ئەواندا بگریت. وەک چۆن ئێستا هەموو لایەک چاویان بڕێوەتە هەوڵ و هیممەتی خەڵکی ناڕازی بۆ رووخاندنی کۆماری ئیسلامی، پێویستە ئاواش هەموو ویست و داخوازە ڕەگەزیی و چینایەتیی و نەتەوایەتییەکانی خەڵکی مافپێشێلکراو دەستەبەر بکرێن.